ભાવનગર શહેરમાં ૩ થી ૪ હોસ્પિટલ ધરાવતા સમીપ કોમ્પ્લેક્ષમાં ભીષણ આગ ફાટી નીકળી : ૧૯થી વધુ દર્દીઓ-બાળકોનું રેસ્કયુ કરાયુ
saurashtrabhoomi 
ભાવનગર તા.૩
ભાવનગર શહેરના કાળાનાળા વિસ્તારમાં ૩ થી ૪ હોસ્પિટલ ધરાવતા સમીપ કોમ્પ્લેક્સમાં ભીષણ આગ ફાટી નીકળી હતી. બેઝમેન્ટમાં લાગેલી આગ સમગ્ર બિલ્ડિંગમાં પ્રસરી ગઈ હતી. કોમ્પલેક્સમાં ૩-૪ હોસ્પિટલ આવેલી છે. જેમાં બાળકોની હોસ્પિટલનો પણ સમાવેશ થાય છે. જેને કારણે ભારે દોડાદોડી થઈ ગઈ હતી.
ફાયરબ્રિગેડને કોલ મળતાં જ તાત્કાલિક ઘટનાસ્થળે પહોંચી ગયું હતું. સાથે જ બાળકોની હોસ્પિટલમાં પહેલા માળે કાચ તોડી સીડી મૂકી બાળકોનું રેસ્ક્યૂ કરાયું હતું.
સ્ટેન્ડિંગ કમિટીના ચેરમેન રાજુ રાબડીયાએ જણાવ્યું કે કાળુભા રોડ સમીપ કોમ્પલેક્સમાં સવારે આગ લાગતા ફાયરની ટીમ તાત્કાલિક પહોંચી હતી. બાળકોનું રેસ્કયૂ કરાયું હતું. કોઈ જાનહાનિ થઈ નથી. ર્પાકિંગમાં આગ લાગ્યાનું જાણવા મળ્યું છે. ફાયર ઓફિસર પ્રદ્યુમ્નસિંહે જણાવ્યું હતું કે ૧૯-૨૦ માણસનું રેસ્કયૂ કરાયું છે. કાળુભા રોડ
પર સમીપ કોમ્પ્લેક્સમાં આગ લાગી હતી. આ કોમ્પ્લેક્સમાં મોટેભાગે હોસ્પિટલો છે. કોમ્પ્લેક્સના બ્રેઝમેન્ટમાં આગ લાગી હતી ને પછી આખી બિલ્ડિંગમાં આગ પ્રસરી હતી. ૫ાંચ ફાયર ફાઇટર અને ૫૦થી વધુ કર્મચારીઓ આગ બુઝાવવાની કામગીરીમાં લાગ્યા હતા.
ભાવનગરના કમિશનર એન.વી.મીનાએ જણાવ્યું કે કોમ્પલેક્સના ગ્રાઉન્ડ ફ્લોર પર કચરામાં આગ લાગી હતી. એના ધુમાડાથી હોસ્પિટલના દર્દીઓને અસર થતાં તેમને અન્ય જગ્યાએ ખસેડાયા હતા. આગને લઈ કોઈ જાનહાનિ થઈ નથી. ક્યાં કારણસર આગ લાગી હતી તે અંગે તપાસ થઈ રહી છે.
)
