શાંતિ મંત્રણા વચ્ચે ફરી એકવાર અમેરીકાનો ઈરાન પર હુમલો
હોર્મુઝ નજીક ઈરાની ટાપુઓ સ્થિત મિસાઈલ મથકો તેમજ માઈન્સ બીછાવવાનો પ્રયાસ કરતી બોટને અમેરીકી સૈન્યએ નિશાન બનાવી : સીઝફાયર તુટવાને પગલે યુધ્ધ ભડકી ઉઠવાના સંકેતો
saurashtrabhoomi 
(એજન્સી) તહેરાન તા.26
અમેરિકા અને ઈરાન વચ્ચે ચાલી રહેલી યુદ્ધવિરામ વાટાઘાટો વચ્ચે અમેરિકી સેનાએ આજે હોર્મુઝ સ્ટ્રેટ નજીક માઇન્સ બિછાવી રહેલી બોટને ટાર્ગેટ કરી હતી. આ ઉપરાંત બંદર અબ્બાસ પોર્ટ નજીક સરફેસ ટુ એર મિસાઈલ સાઈટ પર પણ હુમલો કર્યો હતો.
અમેરિકી સેન્ટ્રલ કમાન્ડ (સેન્ટકોમ) અનુસાર આ કાર્યવાહી સેલ્ફ-ડિફેન્સ એટલે કે આત્મરક્ષામાં કરવામાં આવી હતી. સેન્ટકોમના પ્રવક્તા ટિમોથી હોકિન્સે જણાવ્યું કે અમેરિકી સૈનિકો અને યુદ્ધ જહાજોને ખતરાથી બચાવવા માટે આ હુમલા કરવામાં આવ્યા છે.
અમેરિકી સેનાનો આરોપ છે કે માઇન્સ બિછાવવાથી આંતરરાષ્ટ્રીય જહાજો અને અમેરિકી યુદ્ધ જહાજોને ખતરો થઈ શકતો હતો. જોકે, હોકિન્સે એમ પણ કહ્યું કે યુદ્ધવિરામ દરમિયાન અમેરિકા સંયમ રાખી રહ્યું છે.
નિષ્ણાતોનું માનવું છે કે આ હુમલાથી બંને દેશોની વાતચીતમાં થોડો અવરોધ ચોક્કસપણે આવી શકે છે, પરંતુ હાલમાં શાંતિ વાટાઘાટો અટકતી દેખાતી નથી.
સેન્ટ્રલ કમાન્ડના પ્રવક્તા ટિમ હોકિન્સે જણાવ્યું હતું કે યુએસ સેના ચાલુ યુદ્ધવિરામ દરમિયાન સંયમ રાખવાનું અને તેના દળોનું રક્ષણ કરવાનું ચાલુ રાખે છે. આ હુમલાઓ એવા સમયે થયા છે જ્યારે બંને પક્ષો દાવો કરે છે કે સમાધાન માટે વાટાઘાટોમાં પ્રગતિ થઈ છે. આ નવા હુમલાઓએ વાટાઘાટો અટકી જવાની અને નવેસરથી યુદ્ધ શરૂ થવાની શક્યતા વધારી છે.
ઈરાન ઇન્ટરનેશનલ અહેવાલ આપે છે કે યુએસ હુમલાઓ ઈરાનના લારાક ટાપુ પર થયા છે. ઈરાની મીડિયા આઉટલેટ જીદ્ગદ્ગ અનુસાર, હોર્મુઝ સ્ટ્રેટ નજીક દક્ષિણ લારાક ટાપુ પર યુએસ-ઇઝરાયલી હુમલામાં ઘણા લોકો માર્યા ગયા હોવાના અહેવાલ છે.
)
