ભારતીયોના ગ્રીન કાર્ડના સપનાને ટ્રમ્પે તોડી નાખ્યું : 12 લાખ લોકોને અમેરીકા છોડવું પડશે
saurashtrabhoomi 
વોશીંગ્ટન તા.23:
ટ્રમ્પ વહીવટીતંત્રે અમેરિકામાં ગ્રીન કાર્ડનું સ્વપ્ન જોતા લાખો લોકોને બહુ મોટો ફટકો આપ્યો છે. ફકત ગ્રીન કાર્ડ માટે અરજી કરવી હવે પૂરતું રહેશે નહીં; જો તેઓ ઇચ્છે છે, તો તેમણે પહેલા અમેરિકા છોડવું પડશે. ટ્રમ્પ વહીવટીતંત્રે ઇમિગ્રેશન નીતિમાં મોટો ફેરફાર કરીને જાહેરાત કરી કે અમેરિકામાં રહેતા બિન-નાગરિકો હવે દેશમાં રહીને ગ્રીન કાર્ડ પ્રક્રિયા પૂર્ણ કરી શકશે નહીં. એ માટે તેમણે પોતાના દેશમાં પાછા ફરવું પડશે અને યુએસ એમ્બેસી દ્વારા અરજી કરવી પડશે અને ત્યાં રાહ જોવી પડશે. અત્યાર સુધી, યુએસમાં રહેતા ઘણા લોકો, જેમાં યુએસ નાગરિકોના જીવનસાથી અને બાળકોનો સમાવેશ થાય છે, અને જેઓ વિદ્યાર્થી વિઝા અથવા કામચલાઉ વર્ક વિઝા પર છે, તેઓ સ્ટેટસ એડજસ્ટમેન્ટ દ્વારા યુએસમાં રહીને ગ્રીન કાર્ડ મેળવી શકતા હતા. જોકે, ટ્રમ્પ વહીવટીતંત્રે આ માર્ગ પર બ્રેક લગાવી દીધી છે.
USCIS પ્રવકતા જેક કાહલરે જણાવ્યું હતું કે યુએસ હવે કાયદાની મૂળ ભાવનૉ તરફ પાછા ફરી રહ્યું છે. તેમના મતે, જે લોકો કામચલાઉ વિઝા પર યુએસ આવે છે, તેમની મુસાફરી ગ્રીન કાર્ડ પ્રક્રિયામાં પ્રથમ પગલું ન હોવી જોઈએ. જો તેઓ કાયમી નિવાસ ઇચ્છતા હોય, તો તેમણે તેમના દેશમાં પાછા ફરવું પડશે અને ત્યાંથી અરજી કરવી પડશે. આ ર્નિણયની અસર નોંધપાત્ર છે. કેટો ઇન્સ્ટિટ્યૂટ અનુસાર, ગ્રીન કાર્ડ અરજીઓ પેન્ડિંગ ધરાવતા આશરે 12 લાખ કાયદેસર ઇમિગ્રન્ટ્સ આ નવા નિયમથી પ્રભાવિત થઈ શકે છે અને તેમને તેમના દેશમાં પાછા ફરવાની ફરજ પડી શકે છે. ફકત 2024 માં, 782,000 થી વધુ લોકોએ યુનાઇટેડ સ્ટેટ્સમાં રહેતા સ્ટેટસ એડજસ્ટમેન્ટ દ્વારા ગ્રીન કાર્ડ મેળવ્યા હતા. હવે, આ માર્ગ લગભગ બંધ થઈ ગયો છે.
)
