‘જાે વિપક્ષી ગઠબંધન સત્તામાં આવશે તો બિહારમાં ઘૂસણખોરોની વસ્તી વધી જશે‘, અમિત શાહની ચેતવણી

પટણા તા.ર૪
 કેન્દ્રીય ગૃહમંત્રી અમિત શાહે વિશ્વાસ વ્યક્ત કર્યો કે રાષ્ટ્રીય લોકશાહી ગઠબંધન (એનડીએ) આ વર્ષે ઓકટોબર નવેમ્બરમાં યોજાનારી બિહારમાં આગામી વિધાનસભા ચૂંટણીમાં સંપૂર્ણ બહુમતી સાથે સત્તામાં પાછું આવશે. બિહારના બેગુસરાયમાં ભારતીય જનતા પાર્ટી (ભાજપ) કાર્યકર્તાઓના સંમેલનને સંબોધતા શાહે કહ્યું કે, એનડીએ ચૂંટણી એટલી મોટી જીત મેળવશે કે વિપક્ષી નેતા તેજસ્વી પ્રસાદ યાદવ આગામી વખતે ચૂંટણી લડવાની હિંમત કરશે નહીં. બિહારમાં કોંગ્રેસ નેતા રાહુલ ગાંધીની મતદાર અધિકાર યાત્રાનો ઉલ્લેખ કરતા શાહે કહ્યું કે, આ યાત્રાનો મુખ્ય હેતુ બાંગ્લાદેશી ઘૂસણખોરોને બચાવવાનો છે. આ યાત્રા મતદારોના અધિકારો બચાવવા માટે નહીં, પરંતુ ઘૂસણખોરોને બચાવવા માટે છે. તેમણે લોકોને વિપક્ષી ગઠબંધનની ચૂંટણી રણનીતિ સામે ચેતવણી આપી અને કહ્યું કે, જાે વિપક્ષ અચાનક સત્તામાં આવે છે તો બિહારનો દરેક જિલ્લો ઘૂસણખોરોથી ભરેલો હશે, તેમણે પક્ષના કાર્યકરોને ચૂંટણી પ્રચાર દરમ્યાન લોકોને આવનારા ભયથી વાકેફ કરવા વિનંતી કરી હતી. તેમણે કહ્યું કે, તમારે રાજ્યભરમાં દરેક ઘરની મુલાકાત લેવી જાેઈએ અને લોકોને કહેવું જાેઈએ કે જાે વિપક્ષ અચાનક સત્તામાં આવે છે, તો બિહારનો દરેક જિલ્લો ઘૂસણખોરોથી ભરેલો હશે. તેમણે કહ્યું કે, બિહારમાં મતદાર યાદીના ખાસ સઘન સંશોધન (SIR) દરમ્યાન ચૂંટણી પંચ દ્વારા ઘૂસણખોરોના નામ કાઢી નાખવામાં આવ્યા હતા. ભાજપે મત ચોરીના આરોપો ઉપર રાહુલ ઉપર વળતો પ્રહાર કર્યો, કહ્યું કે, તેઓ ‘ઘૂસણખોરોના રાજકારણ‘ માટે ઊભા છે. વિપક્ષે SIR મુદ્દો ઊઠાવીને ખોટી વાર્તા સ્થાપિત કરવાનો પ્રયાસ કર્યો પરંતુ ખરા મતદારોને કાઢી નાખવામાં આવ્યા નથી. કેન્દ્રીય મંત્રીએ કેન્દ્રમાં નરેન્દ્ર મોદી સરકારની સિદ્ધિઓ અને બિહારમાં NDA સરકારને આપવામાં આવેલી તેમની સહાય ઉપર પણ વાત કરી હતી. ઇત્નડ્ઢ સુપ્રીમો લાલુ પ્રસાદ ઉપર કટાક્ષ કરતા શાહે કહ્યું કે, લાલુ બિહાર સરકારને નરેન્દ્ર મોદી સરકારની સહાય વિશે જાણવા માંગે છે. શાહે કહ્યું કે, કેન્દ્રની નાણાકીય સહાયથી રાજ્યમાં અનેક પ્રોજેક્ટ શરૂ કરવામાં આવ્યા છે. તેમણે ખુલાસો કર્યો કે નરેન્દ્ર મોદી સરકારે ૨૦૧૪થી ૨૦૨૪ દરમ્યાન બિહારને ૯.૪૫ લાખ કરોડ રૂપિયા આપ્યા હતા. તેનાથી વિપરીત UPA સરકારે ૨૦૦૪થી ૨૦૧૪ દરમ્યાન ૨ લાખ કરોડ રૂપિયાથી થોડાક વધારે નાણાં આપ્યા હતા. તેમણે દાવો કર્યો કે, બિહારમાં NDA સરકાર કેન્દ્રના સંપૂર્ણ સમર્થન સાથે વિકસિત બિહાર બનાવવા તરફ કામ કરી રહી છે. તેમણે પાર્ટીના કાર્યકરોને ઘરે-ઘરે જઈને આંગણવાડી કાર્યકરો, મમતાદીદીઓ, જીવિકાદીદીઓ, યુવાનો અને મહિલાઓના કલ્યાણ માટે નીતિશ સરકાર દ્વારા લેવામાં આવેલા પગલાં વિશે લોકોને માહિતી આપવા માટે પણ આહ્વાન કર્યું હતું. તેમણે કહ્યું કે, જાે વિપક્ષી પક્ષો ભૂલથી પણ સત્તામાં આવશે તો બિહારમાં ઘૂસણખોરી ભયાનક પ્રમાણમાં વધશે. અગાઉ શાહે રોહતાસ જિલ્લાના દેહરી-ઓન-સોન ખાતે પાર્ટીના કાર્યકરો અને નેતાઓને સંબોધિત કર્યા, જ્યાં તેમણે તેમને બિહારમાં મોદી-નીતિશ શાસન હેઠળ હાથ ધરવામાં આવેલી કલ્યાણકારી યોજનાઓ અને વિકાસ કાર્યોથી લોકોને વાકેફ કરવા અપીલ કરી. તેમણે કાર્યકરોને તેમના સંબંધિત મતવિસ્તારમાં દરેક NDA ઉમેદવારની જીત સુનિશ્ચિત કરવા પણ અપીલ કરી હતી. દેહરી-ઓન-સોન જતા પહેલા અમિત શાહ રાજ્યની રાજધાનીમાં મુખ્યમંત્રી નીતિશ કુમારને મળ્યા. શાહ અને નીતિશ વચ્ચેની મુલાકાતે NDA છાવણીમાં બેઠક વહેંચણીની વાટાઘાટો અંગે અટકળોને વેગ આપ્યો છે. નાયબ મુખ્યમંત્રી સમ્રાટ ચૌધરી, મંત્રી વિજય કુમાર ચૌધરી અને JDUના રાષ્ટ્રીય કાર્યકારી પ્રમુખ સંજય ઝા પણ આ બેઠકમાં હાજર હતા. આ બેઠક એવા સમયે થઈ છે જ્યારે NDAમાં બેઠક વહેંચણી અંગે મતભેદ વધી રહ્યા છે. NDAના નાના સાથીઓએ વિધાનસભા ચૂંટણી માટે વધુ બેઠકોની માંગ કરી છે, જેના કારણે BJP અને JDUના ટોચના નેતાઓ મુશ્કેલીમાં મૂકાયા છે. નીતિશ અને શાહ વચ્ચેની બેઠકથી પરિચિત લોકોએ જણાવ્યું હતું કે, વાતચીત બેઠક વહેંચણી અને બિહારમાં એનડીએ માટે એકંદર ચૂંટણી વ્યૂહરચના ઉપર કેન્દ્રિત હતી.