દેશના રાજ્યો મહિલાઓ પર મહેરબાન : વિવિધ યોજનાઓ માટે રૂા.૧.૬૧ લાખ કરોડનું બજેટ ફાળવાયું
saurashtrabhoomi 
(એજન્સી) નવી દિલ્હી તા.૫:
દેશભરના રાજ્યોમાં મહિલાઓને સીધી રોકડ ટ્રાન્સફર એક નવી રાજકીય અને સામાજિક નીતિ બની ગઈ છે. તાજેતરના એક અહેવાલમાં જણાવાયું છે કે ૧૨ રાજ્યો હવે આવી યોજનાઓ ચલાવી રહ્યા છે, જે ૨૦૨૨-૨૩માં ફક્ત બે હતી. અહેવાલ મુજબ, આ વર્ષે આ યોજનાઓ પર કુલ રૂા.૧.૬૮ લાખ કરોડ, અથવા દેશના કુલ ઘરેલુ ઉત્પાદન (ય્ડ્ઢઁ) ના આશરે ૦.૫% ખર્ચ થવાનો અંદાજ છે. બે વર્ષ પહેલાં, આ આંકડો ૦.૨% કરતા પણ ઓછો હતો.
કર્ણાટકની ગૃહ લક્ષ્મી યોજના, મધ્યપ્રદેશની લાડલી બહેન યોજના, મહારાષ્ટ્રની લાડકી બહેન યોજના અને બિહારની મુખ્યમંત્રી મહિલા રોજગાર યોજના જેવી યોજનાઓનો રાજકીય અને સામાજિક બંને સ્તરે નોંધપાત્ર પ્રભાવ પડ્યો છે. આ યોજનાઓ દ્વારા, રાજ્ય સરકારો મહિલાઓને સીધી નાણાકીય સહાય પૂરી પાડી રહી છે, જેનાથી એક તરફ મહિલા મતદારોમાં સીધી ભાગીદારી વધી છે, તો બીજી તરફ, નાણાકીય બોજ પણ વધ્યો છે.
અહેવાલ મુજબ, આગામી વિધાનસભા ચૂંટણીઓને ધ્યાનમાં રાખીને આસામ અને પશ્ચિમ બંગાળે પણ તેમના બજેટમાં આ યોજનાઓ માટે ફાળવણીમાં નોંધપાત્ર વધારો કર્યો છે. આસામે ગયા નાણાકીય વર્ષના સુધારેલા અંદાજની તુલનામાં આ વર્ષે ૩૧% વધારો ફાળવ્યો છે. પમિ બંગાળમાં, વધારો ૧૫% થયો છે. તેવી જ રીતે, ઝારખંડે ઓક્ટોબર ૨૦૨૪ માં તેની મુખ્યમંત્રી મૈયા સન્માન યોજના હેઠળ માસિક ચુકવણી રૂા.૧,૦૦૦ થી વધારીને રૂા.૨,૫૦૦ કરી.
)
