ઈઝરાયલે લેબનોન પર કહેર વરસાવ્યો : રપ૪ના મોત
૧૦ મિનીટમાં ૧૦૦ મિસાઈલો છોડી : અત્યાર સુધીમાં લેબનોનમાં ૧૭૦૦ લોકોના મોત : મૃતકોમાં ૧૩૦ બાળકો
saurashtrabhoomi 
બૈરૂત/તેલઅવિવ તા.૯:
ઇઝરાયલે ગત રાત્રે લેબનોનમાં શ્રેણીબદ્ધ હવાઈ હુમલા કર્યા છે. અહેવાલો અનુસાર, ઇઝરાયલે ૧૦ મિનિટની અંદર ૧૦૦ થી વધુ લક્ષ્યો પર હુમલો કર્યો, જેને તેણે હિઝબુલ્લાહ કમાન્ડ સેન્ટરો અને લશ્કરી થાણા તરીકે વર્ણવ્યા. આ હુમલામાં ૨૫૦ થી વધુ લોકોના મૃત્યુની પુષ્ટિ થઈ છે.
અધિકારીઓનું કહેવું છે કે ઈરાનમાં યુદ્ધવિરામ છતાં, લેબનોનના સશસ્ત્ર જૂથ હિઝબુલ્લાહ સામે યુદ્ધ ચાલુ છે. ઇઝરાયલે આ હવાઈ હુમલાને અત્યાર સુધીનો સૌથી મોટો હુમલો ગણાવ્યો છે. બેરૂતના દક્ષિણ ઉપનગરો, દક્ષિણ લેબનોન અને પૂર્વી બેકા ખીણના વિસ્તારોને નિશાન બનાવવામાં આવ્યા હતા.લેબનોનના આરોગ્ય મંત્રાલયે અહેવાલ આપ્યો છે કે ઓછામાં ઓછા રપ૦ લોકો માર્યા ગયા છે, જે આંકડો વધવાની શક્યતા છે. વધુમાં, ૮૯૦ લોકો ઘાયલ થયા છે. બેરૂતના અત્યાર સુધીના સૌથી મોટા હવાઈ હુમલાના સ્થળે કેટલાક કલાકો પછી પણ ક્ષતિગ્રસ્ત ઇમારતોમાં ઇમરજન્સી બચાવકર્તાઓ બચી ગયેલા લોકોને શોધી રહ્યા છે.
લેબનોનના આરોગ્ય મંત્રાલયના જણાવ્યા અનુસાર, આ યુદ્ધને કારણે કાટમાળ નીચે અસંખ્ય લોકો દટાયા છે. અત્યાર સુધીમાં કુલ ૧,૭૦૦ થી વધુ લોકો માર્યા ગયા છે, જેમાં ઓછામાં ઓછા ૧૩૦ બાળકોનો સમાવેશ થાય છે. ઇઝરાયલે આશરે ૧,૧૦૦ હિઝબુલ્લાહ લડવૈયાઓને માર્યા હોવાનો દાવો કર્યો છે.
)
