સોનાના ભાવમાં તીવ્ર ઉછાળો છતાં આયાત ર૦૦ ટકા વધી
saurashtrabhoomi 
(એજન્સી) નવી દિલ્હી,તા.૧૮:
ઓક્ટોબર ૨૦૨૫ માં સોનાના વધતા વૈશ્વિક ભાવ વચ્ચે ભારતની સોનાની આયાતમાં તીવ્ર ઉછાળો જોવા મળ્યો છે. સત્તાવાર આંકડા અનુસાર દેશની સોનાની આયાતમાં ૨૦૦ ટકાનો વધારો થયો. ઓક્ટોબર ૨૦૨૫ માં, ભારતે ૧૪.૭૨ અબજ ડોલરનું સોનું આયાત કર્યું હતું, જે
ગયા વર્ષના સમાન મહિનામાં ૪.૯૨ અબજ ડોલર હતું. સોના અને ચાંદીની વધતી આયાતને કારણે દેશનું કુલ આયાત મૂલ્ય પણ વધ્યું. ૧૭ ઓક્ટોબરના રોજ સોનું પ્રતિ ૧૦ ગ્રામ રૂ.૧૩૦,૮૭૪ ની સર્વકાલીન ઉચ્ચતમ સપાટીએ પહોંચ્યું, જ્યારે ૧૪ ઓક્ટોબરના રોજ ચાંદીના ભાવ પ્રતિ કિલો રૂ.૧૭૮,૧૦૦ ની સર્વકાલીન ઉચ્ચતમ સપાટીએ પહોંચ્યા.
)
