સુપ્રિમ કોર્ટ - કેન્દ્ર સરકાર વચ્ચે ઘર્ષણની સ્થિતિ : સરકાર મારી બેંચથી બચવા માંગે છે : ચીફ જસ્ટીસ ગવઈ
saurashtrabhoomi 
(એજન્સી) નવી દિલ્હી, તા.૪
સુપ્રીમ કોર્ટ અને સરકાર વચ્ચે ફરી ટકકરની સ્થિતિ સર્જાઇ છે. સુપ્રીમ કોર્ટ કેન્દ્ર સરકારને કડક ફટકાર લગાવી છે. કારણ કે સરકારે અચાનક માંગ કરી દીધી હતી કે ટ્રીબ્યુનલ રિફોર્મ્સ એકટ (જે અંતર્ગત અલગ અલગ ટ્રીબ્યુનલોના ચેરપર્સન અને મેમ્બર્સની શરતો નકકી કરવામાં આવે છે) સાથે સંકળાયેલી અરજીઓને પાંચ જજાેની બંધારણીય પીઠને મોકલવામાં આવે.
સુપ્રીમ કોર્ટના ચીફ જસ્ટીસ બી.આર.ગવઇના આગેવાનીવાળી બેન્ચ આ મામલાની સુનાવણી કરી રહી હતી. અરજદારોની દલીલો પૂરી સાંભળ્યા બાદ એટર્ની જનરલ આર.વેંકટમણીના અનુરોધ પર સુનાવણી કેટલાક દિવસ માટે ટાળી દેવામાં આવી હતી કારણ કે તેમને એક ઇન્ટરનેશનલ ઓર્બિટ્રેશનમાં ભાગ લેવાનો હતો પરંતુ જયારે પછીની સુનાવણીના ઠીક અગાઉ કેન્દ્ર સરકારે અડધી રાત્રે આ નવી અરજી દાખલ કરી તો સુપ્રીમ કોર્ટે નારાજગી દર્શાવી.
ચીફ જસ્ટીસ ગવઇએ કહ્યું હતું કે, અમને આશા નહોતી કે કેન્દ્ર સરકાર આ પ્રકારની રણનીતિ અપનાવશે અને અદાલતની સાથે આવી રમત રમશે. આ ચોંકાવનારી બાબત છે કે અરજદારોની દલીલો પૂરી થયા બાદ સરકાર હવે ૫ જજાેની બેન્ચની માંગ કરી રહી છે.
ગવઇએ વધુમાં કહ્યું અમે આ અરજીને ફગાવી દઇએ છીએ અને એ પણ નોંધીએ છીએ કે કેન્દ્ર સરકાર આવું પગલું એટલા માટે ઉઠાવી રહી છે કારણ કે હું જલદી રિટાયર થવાનો છું.
