ઈરાન-અમેરીકા વચ્ચે જીનીવામાં શુક્રવારે શાંતિ કરાર
107 દિવસથી ચાલી આવતી તંગદીલી સમાપ્ત : યુધ્ધના અંત સાથે મધ્યપૂર્વમાં શાંતિનો સુરજ ઉગશે
saurashtrabhoomi 
(એજન્સી) વોશીંગ્ટન તા.15:
અમેરિકા-ઈરાન યુદ્ધનો અંત લાવવા માટે શાંતિ કરાર પર સંમત થયા છે. અમેરિકાના રાષ્ટ્રપતિ ટ્રમ્પે સોશિયલ મીડિયા પર લખ્યું કે ઈરાન સાથેનો કરાર હવે પૂર્ણ થઈ ગયો છે. ઈરાને એક નિવેદન બહાર પાડીને કહ્યું કે અમેરિકા સાથે મહિનાઓની લાંબી અને મુશ્કેલ વાટાઘાટો પછી, બંને દેશોએ એક કરાર અથવા MoUને અંતિમ સ્વરૂપ આપ્યું છે.
ટ્રમ્પે કહ્યું કે આ કરાર હેઠળ, હોર્મુઝ સ્ટ્રેટ ફરીથી ખોલવામાં આવશે. તેમણે ઈરાની બંદરો પર યુએસ નૌકાદળના નાકાબંધીને તાત્કાલિક હટાવવાને મંજૂરી આપી. ટ્રમ્પે પોતાની પોસ્ટમાં લખ્યું, દુનિયાના જહાજો, તમારા એન્જિન શરૂ કરો. તેલ વહેવા દો.
પાકિસ્તાનના વડા પ્રધાન શાહબાઝ શરીફે કહ્યું કે બંને દેશો 19 જૂને સ્વિટ્ઝર્લેન્ડના જીનીવામાં શાંતિ કરાર પર હસ્તાક્ષર કરશે. જો આવું થાય, તો તેહરાન અને વોશિગ્ટન વચ્ચે 47 વર્ષમાં પ્રથમ ઉચ્ચ-સ્તરીય બેઠક હશે.
અમેરિકા અને ઈરાન વચ્ચેનો કરાર નક્કી થઈ ગયો છે અને બંને દેશો શુક્રવારે કરાર પર હસ્તાક્ષર કરશે. ઈરાન-અમેરીકા વચ્ચે યુદ્ધવિરામ પહેલાથી જ અમલમાં છે. હોર્મુઝ સ્ટ્રેટ ચાર દિવસ પછી ખુલશે અને વિશ્વ એક મોટા સંકટમાંથી બહાર આવવાનું શરૂ કરશે. અમેરિકા-ઈરાન વચ્ચેનો આ તણાવ છેલ્લા 107 દિવસથી ચાલી રહ્યો છે.
