જૂનાગઢ મ્યુઝિયમ દ્વારા રવિવારે ચિત્ર સ્પર્ધાનું આયોજન, સ્થાનિક સ્થાપત્ય અને ‘વિવિધતામાં એકતા’ વિષય પર બનશે ચિત્રો
‘સેવા સંકલ્પ અભિયાન’ અંતર્ગત 18 વર્ષથી વધુ વયના લોકો લઈ શકશે ભાગ; 20 સપ્ટેમ્બરે સરદાર બાગ સ્થિત સંગ્રહાલય ભવનમાં સવારે 11થી બપોરે 2 વાગ્યા સુધી યોજાશે સ્પર્ધા
saurashtrabhoomi 
જુનાગઢ,તા.૧૯
જૂનાગઢ સંગ્રહાલય દ્વારા ‘સેવા સંકલ્પ અભિયાન’ અંતર્ગત ચિત્ર સ્પર્ધાનું આયોજન કરવામાં આવ્યું છે. 18 વર્ષથી વધુ વયના લોકો માટે યોજાનારી આ સ્પર્ધા તા.20 સપ્ટેમ્બર, રવિવારના રોજ સવારે 11 વાગ્યાથી બપોરે 2 વાગ્યા દરમિયાન યોજાશે.
ચિત્ર સ્પર્ધાનું આયોજન જૂનાગઢના સરદાર બાગ ખાતે તાજ મંઝિલમાં આવેલા સંગ્રહાલય ભવનમાં કરવામાં આવ્યું છે. શહેરના સ્થાનિક સ્થાપત્ય અને સાંસ્કૃતિક વિવિધતાને ચિત્રોના માધ્યમથી રજૂ કરવાનો આ સ્પર્ધાનો મુખ્ય વિષય રહેશે.
સ્પર્ધામાં ભાગ લેનારા સ્પર્ધકોએ જૂનાગઢના સ્થાનિક સ્થાપત્ય અથવા સંગ્રહાલય દ્વારા વ્યક્ત કરવામાં આવતી ‘વિવિધતામાં એકતા’ની થીમને ધ્યાનમાં રાખીને ચિત્ર તૈયાર કરવાનું રહેશે. આ રીતે સ્પર્ધકોને જૂનાગઢના સ્થાપત્ય વારસા તેમજ વિવિધતામાં રહેલી એકતાને પોતાની કલાત્મક દૃષ્ટિથી રજૂ કરવાની તક મળશે.
સ્પર્ધામાં 18 વર્ષથી વધુ વયના રસ ધરાવતા લોકો ભાગ લઈ શકશે. ચિત્રકળામાં રસ ધરાવતા નાગરિકોને આ સ્પર્ધામાં જોડાવા માટે જૂનાગઢ સંગ્રહાલય દ્વારા આમંત્રણ આપવામાં આવ્યું છે.
સ્પર્ધામાં ભાગ લેવા તેમજ વધુ માહિતી મેળવવા માટે 83200 82742 નંબર પર સંપર્ક કરી શકાશે. જૂનાગઢ સંગ્રહાલયના ક્યૂરેટર ડૉ. શેફાલિકા અવસ્થી દ્વારા જાહેર કરવામાં આવેલી યાદીમાં આ અંગેની માહિતી આપવામાં આવી છે.
.jpg)
