આજે નીતિશ કુમાર સીએમ પદ પરથી રાજીનામું આપશે : બિહારના નવા સીએમની જાહેરાત કરાશે
saurashtrabhoomi 
પટના તા.૧૪
બિહારમાં આજે મંગળવારે નવા CM ચહેરાની જાહેરાત થશે. છેલ્લા ૨૦ વર્ષથી બિહારના મુખ્યમંત્રી રહેલા નીતિશ કુમાર આજે પોતાના પદ પરથી રાજીનામું આપશે. સવારે ૧૧ વાગ્યે નીતિશના નેતૃત્વમાં કેબિનેટની અંતિમ બેઠક યોજાશે. બપોરે ૩ વાગ્યે નીતિશ રાજભવન જશે, રાજ્યપાલને પોતાનું રાજીનામું સોંપશે. પછી ૪ વાગ્યે NDA ધારાસભ્ય દળની બેઠકમાં નવા મુખ્યમંત્રીના ચહેરા પર મહોર લાગશે. કેન્દ્રીય મંત્રી શિવરાજ સિંહ ચૌહાણ નવા CMના નામની જાહેરાત કરશે. ભાજપે તેમને પોતાના નિરીક્ષક બનાવ્યા છે. જ્યારે, આવતીકાલે સવારે ૧૧ વાગ્યે રાજભવનમાં નવા મુખ્યમંત્રીનો શપથ ગ્રહણ સમારોહ યોજાશે.
