વડાપ્રધાન શ્રી નરેન્દ્રભાઈ મોદીને ભેટમાં મળેલી વસ્તુઓની થશે ઈ-હરાજી.
saurashtrabhoomi 
દેશના વડાપ્રધાન શ્રી નરેન્દ્રભાઈ મોદીના જન્મદિવસની ઉજવણી ક્ર્વામાવી રહી છે ત્યારે તેમને અગાઉ વિવિધ વ્યક્તિઓ અને સન્માન રૂપે ભેટમાં મળેલી ૧૩૦૦ થી પણ વધુ શાનદાર અને બહુમુલ્ય વસ્તુઓની ઈ-હરાજી કરવામાં આવશે. કેન્દ્રીય સંસ્કૃતિ મંત્રી ગજેન્દ્ર સિંહ શેખાવતે મંગળવારે દિલ્હીમાં નેશનલ ગેલેરી ઓફ મોર્ડન આર્ટ (NGMA) ખાતે એક પ્રેસ કોન્ફરન્સમાં ઈ-હરાજી અંગે માહિતી આપતા જણાવ્યું હતું કે આ ઈ-હરાજીમાં બહુમુલ્ય ચિત્રો, મૂર્તિઓ, કલાકૃતિઓ અને વિવિધ સ્મૃતિ ઉપહારનો સમાવેશ થાય છે. હાલ આ ભેટો NGMA ખાતે પ્રદર્શિત કરવામાં આવી છે, જ્યાં મુલાકાતીઓ આવીને તેમને જોઈને પછી, તેઓ ચીજો માટે ઓનલાઈન બોલી લગાવશે. આ ઈ-હરાજી 2 ઓક્ટોબર સુધી ચાલશે તેમજ આ ઈ-હરાજીથી મળેલી રકમ તેઓ નમામી ગંગે મિશનને દાન કરી દેવામાં આવશે. ઉલ્લેખનીય છે કે નરેન્દ્રભાઈ મોદી ભારતના વડાપ્રધાન બન્યા ત્યારથી લઈને અત્યાર સુધીમાં એમને મળેલી ભેટોની છ વખત હરાજી કરવામાં આવી છે અને આ એ જ હરાજીની સાતમી આવૃત્તિ છે.
