જિલ્લા કલેક્ટર અનિલકુમાર રાણાવસિયાએ ભેંસાણના ચણાકા ગામની આંગણવાડી કેન્દ્રનું નિરીક્ષણ કર્યું
જિલ્લા કલેક્ટરે બાળકોના સર્વાંગી વિકાસ માટે માર્ગદર્શન આપ્યું : આંગણવાડી કેન્દ્રના ભૂલકાઓ સાથે પણ કાલીઘેલી ભાષામાં વાત કરી બાળકો પ્રત્યેનો વાત્સલ્યભાવ પણ વ્યક્ત કર્યો
saurashtrabhoomi 
જૂનાગઢ, તા.૧ર
જીલ્લા કલેકટર અનિલકુમાર રાણાવસિયાએ સુપોષણ અભિયાન અંતર્ગત આજે ભેસાણ તાલુકાના ચણાકા ગામની આંગણવાડી કેન્દ્રની મુલાકાત કરી હતી, આ દરમિયાન તેમણે પોષણયુક્ત આહાર, સ્વચ્છતા તથા દૈનિક વ્યવસ્થાઓ અંગે નિરીક્ષણ કર્યું હતું. સાથે જ આ સંદર્ભે આંગણવાડી કાર્યકરોને જરૂરી માર્ગદર્શન અને સૂચનાઓ પણ આપી હતી. જિલ્લા કલેક્ટરે ખાસ આંગણવાડી કેન્દ્રના નાના ભૂલકાઓ સાથે પણ કાલીઘેલી ભાષામાં વાત કરી બાળકો પ્રત્યેનો વાત્સલ્યભાવ વ્યક્ત કર્યો હતો. આ ઉપરાંત તેમણે આંગણવાડી સંચાલક બહેનોને બાળકોના પૂર્વ પ્રાથમિક શિક્ષણ અને સર્વાંગી વિકાસ માટે પણ જરૂરી માર્ગદર્શન કર્યું હતું. તેમ બાળ વિકાસ યોજના અધિકારી, ભેંસાણની યાદીમાં જણાવ્યું છે.
