જાપાન અને ચીન વચ્ચે તણાવ વધ્યા તાઈવાન મુદ્દે જાપાનીઝ PMના નિવેદન બાદ બંને દેશો સામસામે
જાપાને પ્રતિક્રિયા આપવાની ફરજ પડશે ચીને આ નિવેદનને સીધો પડકાર ગણીને અત્યંત આક્રમક પ્રતિક્રિયા આપી છે
saurashtrabhoomi 
(સંપૂર્ણ સમાચાર સેવા)
નવીદિલ્હી,તા.૨૦
એશિયામાં ચીન અને જાપાન વચ્ચેનો તણાવ ખૂબ જ તીવ્ર બન્યો છે. આ તણાવનું મૂળ કારણ જાપાનના વડાપ્રધાન સનાએ તાકાઇચીનું નિવેદન છે, જેમાં તેમણે ચેતવણી આપી હતી કે જાે ચીન તાઇવાન સામે સૈન્ય કાર્યવાહી કરે અથવા તો નાકાબંધી કરે, તો જાપાને પ્રતિક્રિયા આપવાની ફરજ પડશે. ચીને આ નિવેદનને સીધો પડકાર ગણીને અત્યંત આક્રમક પ્રતિક્રિયા આપી છે.વિવાદ ત્યારે વધુ વકર્યો જ્યારે ચીનના ઓસાકા કાઉન્સલ જનરલ શુએ જિયાનએ સોશિયલ મીડિયા પર વડાપ્રધાન તાકાઇચી વિરુદ્ધ હિંસક શબ્દો વાપર્યા. તેમણે તો ત્યાં સુધી લખ્યું કે તાકાઇચીનું ‘ગંદુ માથું કાપી નાખવું જાેઈએ.‘ જાેકે આ પોસ્ટ પાછળથી હટાવી દેવામાં આવી, તેમ છતાં આ નિવેદને બંને દેશો વચ્ચેની સ્થિતિને વધુ ભડકાવી દીધી.
આર્થિક પ્રતિશોધ ઉપરાંત, ચીને જાપાનને ખુલ્લી ધમકી આપી છે કે જાે તે તાઇવાન સાથેના ચીનના એકીકરણના પ્રયાસમાં કોઈપણ પ્રકારનો હસ્તક્ષેપ કરશે, તો તેને હારનો સામનો કરવો પડશે.આ ધમકી બાદ, ચીને જાપાનની મુસાફરી માટે સેફ્ટી એડવાઇઝરી પણ બહાર પાડી. તેણે તેના નાગરિકોને જાપાન ન જવાની સલાહ આપી, કારણ કે ત્યાં ગંભીર સુરક્ષા જાેખમો છે. આ ચેતવણીની જાપાનની અર્થવ્યવસ્થા પર ઝડપી અસર થઈ. તેના પરિણામે, પર્યટન અને રિટેલ ક્ષેત્રની કંપનીઓના શેરમાં ઘટાડો જાેવા મળ્યો. દર વર્ષે આશરે ૭૫ લાખ ચીની પ્રવાસીઓ જાપાનની મુલાકાત લેતા હોવાથી, ચીનની આ ચેતવણી ટોક્યો માટે એક મોટો આર્થિક આંચકો સાબિત થઈ છે.
તેમજ તણાવ માત્ર વાતચીત અને નિવેદનો સુધી જ સીમિત ન રહ્યો. ચીને વિવાદિત દીઆઓ-સેનકાકુ ટાપુઓ નજીક પોતાના ચાર હથિયારબંધ કોસ્ટ ગાર્ડ જહાજાે મોકલીને પરિસ્થિતિને વધુ જટિલ બનાવી દીધી. આ ટાપુઓ પર નિયંત્રણ જાપાનનું છે, જાેકે ચીન તેને પોતાનો પ્રદેશ માને છે.
જાપાને પરિસ્થિતિને હળવી કરવાના પ્રયાસો શરૂ કર્યા છે. આ માટે, જાપાનના વિદેશ મંત્રાલયના અધિકારી મસાઆકી કનાઈ બેઇજિંગ ગયા છે. તેઓ ચીનને ખાતરી આપી રહ્યા છે કે જાપાનની સુરક્ષા નીતિમાં કોઈ બદલાવ આવ્યો નથી અને વડાપ્રધાન તાકાઇચીનું નિવેદન યુદ્ધની ચેતવણી નહોતું.
જાેકે, ચીનનું વલણ સખત રહ્યું છે. બેઇજિંગ તાઇવાનને પોતાનો હિસ્સો ગણે છે અને સ્પષ્ટતા કરી છે કે જાે જરૂર પડશે, તો તે બળનો ઉપયોગ કરવાથી અચકાશે નહીં. બીજી તરફ, જાપાનની અર્થવ્યવસ્થા પહેલેથી જ દબાણ હેઠળ છે, કારણ કે ત્રીજા ક્વાર્ટરમાં તેના જીડીપીમાં ઘટાડો નોંધાયો છે. આવી નાજુક સ્થિતિમાં, ચીનની સતત ધમકીઓ ટોક્યો માટે વધુ મુશ્કેલીઓ ઊભી કરી શકે છે.
)
.jpg)
