રૂ.4500 કરોડના બજેટમાં બની રહેલી 'Avengers: Doomsday'નું નવું પોસ્ટર રિલીઝ
આયર્ન મેન બાદ હવે રોબર્ટ ડાઉની જુનિયર 'ડોક્ટર ડૂમ' બની MCUમાં કરશે ધમાકેદાર વાપસી
saurashtrabhoomi 
મુંબઈ, તા. 27:
માર્વેલ સ્ટુડિયોએ પોતાની મોસ્ટ અવેટેડ ફિલ્મ **'Avengers: Doomsday'**નું નવું ઓફિશિયલ પોસ્ટર રિલીઝ કર્યું છે. ડાર્ક બેકગ્રાઉન્ડમાં ડોક્ટર ડૂમનો શક્તિશાળી અને રહસ્યમય લુક ચાહકોમાં ભારે ઉત્સાહ જગાવી રહ્યો છે. પોસ્ટર સાથે માત્ર બે શબ્દો લખવામાં આવ્યા છે "Doomsday Is Coming".
આ ફિલ્મ 18 ડિસેમ્બર, 2026ના રોજ વિશ્વભરના સિનેમાઘરોમાં રિલીઝ થશે. અંદાજે રૂ.4500 કરોડના વિશાળ બજેટ સાથે બની રહેલી આ ફિલ્મને હોલિવૂડની સૌથી મોંઘી ફિલ્મોમાંની એક માનવામાં આવી રહી છે.
ફિલ્મનું દિગ્દર્શન રુસો બ્રધર્સ કરી રહ્યા છે. સૌથી મોટું આકર્ષણ એ છે કે રોબર્ટ ડાઉની જુનિયર, જેમણે વર્ષો સુધી આયર્ન મેન તરીકે દર્શકોના દિલ જીત્યા હતા, હવે ડોક્ટર ડૂમના શક્તિશાળી વિલનના અવતારમાં માર્વેલ સિનેમેટિક યુનિવર્સમાં વાપસી કરી રહ્યા છે.
ફિલ્મમાં થોર, કેપ્ટન અમેરિકા, ફેન્ટાસ્ટિક ફોર, એક્સ-મેન સહિત અનેક સુપરહીરો ડોક્ટર ડૂમ સામે એકજૂટ થતા જોવા મળશે. વિશાળ સ્ટારકાસ્ટ, ભવ્ય વિઝ્યુઅલ્સ અને જંગી બજેટને કારણે 'Avengers: Doomsday' બોક્સ ઓફિસ પર નવા રેકોર્ડ સર્જે તેવી અપેક્ષા છે.
