દેશની ત્રણ મુખ્ય સરકારી ઓઈલ કંપનીઓને પેટ્રોલ - ડીઝલનાં વેચાણમાં દૈનિક રૂા. પ૩૦ કરોડનું નુકશાન
saurashtrabhoomi 
(એજન્સી) નવી દિલ્હી: તા.૨૪:
ક્રૂડ ઓઇલના ભાવમાં તીવ્ર વધારો હવે દેશની સરકારી માલિકીની તેલ કંપનીઓની કમાણી પર અસર કરી રહ્યો છે.
રેટિગ એજન્સી ICRA અનુસાર, ઇન્ડીયન ઓઇલ કોર્પોરેશન, ભારત પેટ્રોલિયમ કોર્પોરેશન, અને હિન્દુસ્તાન પેટ્રોલિયમ કોર્પોરેશન હાલમાં પેટ્રોલ પર આશરે રૂા.૮ પ્રતિ લિટર અને ડીઝલ પર આશરે રૂા.૯ પ્રતિ લિટરનું નુકસાન કરી રહી છે. સ્થાનિક બજારમાં પેટ્રોલ અને ડીઝલના ભાવ સ્થિર રહેતા ક્રૂડ ઓઇલના વધતા ખર્ચે આ કંપનીઓ પર માર્જિનનું દબાણ વધ્યું છે.
ICRA નો અંદાજ છે કે વર્તમાન ભાવે, ત્રણ સરકારી માલિકીની તેલ માર્કેટિગ કંપનીઓ (IOC, BPCL HPCL) નું સંયુક્ત દૈનિક નુકસાન આશરે રૂ.૫૩૦ કરોડ સુધી પહોંચી શકે છે. તેનો અર્થ એ છે કે જાે ક્રૂડ ઓઇલના ભાવ ઊંચા રહે અને સ્થાનિક ઇંધણના ભાવ યથાવત રહે, તો કંપનીઓ પર આ દબાણ ચાલુ રહી શકે છે. સ્થાનિક LPG પણ કંપનીઓ માટે ચિતાનો વિષય છે. સપ્ટેમ્બર મહિનામાં ઘરેલુ LPG સિલિન્ડર પર આશરે રૂ.૩૦૦ ની અંડર-રિકવરીનો અંદાજ છે.
પશ્ચિમ એશિયામાં વધતા તણાવ અને પુરવઠા સંબંધિત મુદ્દાઓ ક્રૂડ ઓઇલના ભાવમાં વધારા પાછળના મુખ્ય કારણો છે. રિપોર્ટ અનુસાર, યુએસ-ઈરાન સંઘર્ષમાં વધારો, સાઉદી અરેબિયાની પૂર્વ-પશ્ચિમ પાઇપલાઇન બંધ થવાથી અને લાલ સમુદ્રના ક્ષેત્રમાં હુતી પ્રવૃત્તિઓથી તેલ પુરવઠા અંગે ચિતા વધી છે. ભારત દ્વારા આયાત કરાયેલ ક્રૂડ ઓઇલ બાસ્કેટનો ભાવ ૨૧ સપ્ટેમ્બર, ૨૦૨૬ ના રોજ પ્રતિ બેરલ ૧૧૭.૪ થયો હતો, જે ૨૦૨૫-૨૬ નાણાકીય વર્ષમાં સરેરાશ ૬૬ પ્રતિ બેરલ હતો.
