રાષ્ટ્રીય યુવા દિવસ નિમિતે ખંભાળિયામાં ક્રિકેટ ટુર્નામેન્ટ યોજાઈ : એ.બી.વી.પી. દ્વારા આયોજન
saurashtrabhoomi 
(પ્રતિનિધિ દ્વારા)
જામ ખંભાળિયા તા.૧૯
ખંભાળિયામાં અખિલ ભારતીય વિદ્યાર્થી પરિષદ (ABVP) દ્વારા રાષ્ટ્રીય યુવા દિવસની ઉજવણીના ભાગ રૂપે "સ્વામી વિવેકાનંદ યુવા કપ ૨૦૨૬" નું આયોજન કરવામાં આવ્યું હતું. આ અંતર્ગત ખંભાળિયા તાલુકાના વડાલીયા સિંહણ ખાતે આવેલ વછરાજ ક્રિકેટ ગ્રાઉન્ડ ખાતે ક્રિકેટ ટુર્નામેન્ટ યોજવામાં આવી હતી. જેમાં ખંભાળિયા તાલુકાની કોલેજોમાંથી અનેક કોલેજીયન વિદ્યાર્થીઓ ઉત્સાહભેર ભાગ લીધો હતો. આ ક્રિકેટ ટુર્નામેન્ટમાં ફાઇનલ દ્વારકેશ ૧૧ ટીમ વિજેતા બની હતી. આ કાર્યકમમાં જિલ્લા સંગઠન મંત્રી જયદેવસિંહ જેઠવા, જિલ્લા સંયોજક પ્રશાંતભાઈ નકુમ તથા નગર મંત્રી હરપાલભાઈ રાઠોડ સહિતના કાર્યકર્તાઓ ઉપસ્થિત રહ્યા હતા.
