વર્ષ 2036 સુધીમાં સેન્સેકસ 3 લાખ સુધી પહોંચી જશે
saurashtrabhoomi 
મુંબઈ,તા.11
મોતીલાલ ઓસ્વાલ ફાઇનાન્શિયલ સવિર્સિસના ચેરમેન રામદેવ અગ્રવાલ, સ્થાનિક શેરબજારના પ્રદર્શન અંગે એક બોલ્ડ દાવો કરી રહ્યા છે. પ્રખ્યાત નિષ્ણાત, ગ્રોવ ઇન્ડિયા ઇન્વેસ્ટર ફેસ્ટિવલ 2026માં બોલતા, કહ્યું કે ભારતીય શેરબજાર વૈશ્વિક બજારોની તુલનામાં ફેરારી છે. તેમણે કહ્યું કે ભારતીય
શેરબજાર મલ્ટિબેગર સ્ટોક્સ માટે એક ઉત્તમ પ્લેટફોર્મ છે. રામદેવ અગ્રવાલે કહ્યું, મેં છેલ્લા 40 વર્ષમાં સેન્સેક્સ 100 થી 80,000 સુધી વધતો જોયો છે. મારા પર વિશ્વાસ કરો, આગામી 40 વર્ષમાં આ સફર સંપૂર્ણપણે અલગ હશે.
અગ્રવાલ મેક્રોઇકોનોમિક દિશા અંગે ખૂબ જ આશાવાદી છે. તેમનો અંદાજ છે કે આગામી ૬ થી સાત વર્ષમાં માથાદીઠ આવક બમણી થશે. નિષ્ણાતો કહે છે કે 2030 સુધીમાં સેન્સેક્સ 1.5 લાખ સુધી પહોંચી શકે છે અને 2036 સુધીમાં બજારમાં 3 લાખ સુધી પહોંચવાની સંભાવના છે. ભારતીય શેરબજાર અંગે તેમણે કહ્યું કે તે સ્વરૂપ કામચલાઉ હોઈ શકે છે, પરંતુ વર્ગ કાયમી છે. ભારતીય શેરબજારે હજુ ઘણો લાંબો રસ્તો કાપવાનો બાકી છે.
રામદેવ અગ્રવાલે નિર્દેશ કર્યો કે ડોલરની દ્રષ્ટિએ બજારનું મૂડીકરણ ર્વાષિક 14 ટકા વધ્યું છે, જ્યારે યુએસ શેરબજાર છેલ્લા બે દાયકામાં 7 ટકા વધ્યું છે.
