શ્રી કષ્ટભંજન દેવ દાદાને રંગબેરંગી ફૂલોનો દિવ્ય શણગાર કરાયો
saurashtrabhoomi 
(પ્રતિનિધિ દ્વારા)
સાળંગપુર તા.૧૮
સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે પ.પૂ.શાસ્ત્રી સ્વામી શ્રીહરિપ્રકાશ દાસજી (અથાણાવાળા)ની પ્રેરણાથી તા.૧૮-૦૯-૨૦૨૬ને શુક્રવારના રોજ શ્રીકષ્ટભંજનદેવ દાદાને એમ્બ્રોઇડરી વર્કવાળા વાઘા તથા રંગબેરંગી વિવિધ પ્રકારના ફૂલોથી દિવ્ય શણગાર કરવામાં આવ્યો હતો. ગર્ભગૃહમાં સિંહાસનને રંગબેરંગી ફૂલોથી હરિયાળી દ્વારા આકર્ષક રીતે શણગારવામાં આવ્યું હતું. સવારે ૫:૪૫ કલાકે આરતી પૂજારી સ્વામી દ્વારા કરવામાં આવી હતી. આ દર્શનનો અનેક ભક્તોએ લાભ લઈ ધન્યતાનો અનુભવ કર્યો હતો.
