ઉપલા દાતાર ખાતે ઉર્ષની ભવ્ય ઉજવણી
દીપમાળા પ્રસંગે દીપ સે દીપ જ્યોત જલાવી કોમી - એકતાનો સંદેશ અપાયો
saurashtrabhoomi 
જૂનાગઢ તા. ર૬
જુનાગઢ કોમી એકતા ના પ્રતિક સમી ઉપલાદાતારની ધામિર્ક જગ્યામાં મહાપર્વ ઉર્ષનાં ત્રીજા દિવસે દાતારની જગ્યા ખાતે દીપમાળા મહેંદી નો કાર્યક્રમ યોજાયો હતો ગુફા ની અંદર જે અખંડ જ્યોત જલી રહી છે એની જ્યોતથી જગ્યામાં ભાવિકો દ્વારા દીવડા પ્રગટાવવામાં આવ્યા હતા અને જગ્યા રોશનીથી ઝળહળી ઉઠી હતી. જગ્યાના મહંત શ્રી ભીમ બાપુ દ્વારા આ દિવસે દીપ સે દીપ જલાઓના સંદેશ સાથે સર્વે જન ની સુખાકારી અને સમગ્ર દેશમાં સુખ શાંતિ માટે પ્રાર્થના કરી હતી દીપમાળા ના આ પાવન પ્રસંગે ઉપલા દાતાર ની જગ્યા ના મહંત દ્વારા જગ્યામાં પધારેલા ભાવિક ભક્તોના હાથે દરેક જગ્યાએ દીપ પ્રગટાવી હજારો દીવડા પ્રગટાવામાં આવ્યા હતા અને જગ્યા રોશની થી ઝળહળી ઊઠી હતી. તમામ લાઈટો બંધ કરી અને આ સુંદર મજાનો નજારો ઉપસ્થિત ભાવિકોએ નિહાળ્યો હતો ત્યારબાદ દરેક ભાવિકો માટે ચોખા ઘીનો શિરાનો પ્રસાદ અને ડ્રાયફ્રુટમાં કાજુ બદામ કીસમીસનો પ્રસાદ બધાને અર્પણ કરાયો હતો દાતાર બાપુ મહાપર્વ ઉર્ષનો રવિવારથી પ્રારંભ થયો છે અને આવતીકાલે વહેલી સવારે પુર્ણાહુતી થશે પાંચ દિવસના આ ઉર્ષનાં મેળામાં હજારો ભાવિક ભક્તોએ નાત-જાતના ભેદભાવ વગર દાતાર બાપુના દર્શન કરી અને મહાપ્રસાદ લઈ ધન્ય બન્યા હતા.
