મધ્યમ વર્ગ માટે નિષ્ણાંતોની મોટી ચેતવણી ભારતીય નોકરીઓ પર હવે મોટું સંકટ, ૨ કરોડ લોકોની નોકરીઓ જાેખમમાં!

નવી દિલ્હી, તા.૧૭
ભારતમાં મધ્યમ વર્ગની નોકરીઓ સામે એક મોટું સંકટ ઊભું થઈ રહ્યું છે, જેનું કારણ મંદી નથી, પરંતુ AI (આર્ટિફિશિયલ ઇન્ટેલિજન્સ) અને વૈશ્વિક વેપારની સ્થિતિ છે. માર્સેલસ ઇન્વેસ્ટમેન્ટ મેનેજર્સ ના સ્થાપક સૌરભ મુખર્જી એ ચેતવણી આપી છે કે જાે નીતિ નિર્માતાઓ તાત્કાલિક પગલાં નહીં લે, તો તેના પરિણામો વિનાશક હોઈ શકે છે. 
મુખર્જીએ ચેતવણી આપી છે કે જાે ટ્રમ્પ વહીવટીતંત્ર ભારત પર લાદવામાં આવેલા ટેરિફ ઘટાડશે નહીં, તો ક્રિસમસ સુધીમાં ૨૦ મિલિયન (૨ કરોડ) ભારતીયો તેમની નોકરી ગુમાવી શકે છે. કંપનીઓ ખર્ચ ઘટાડવા માટે AI ને અપનાવી રહી છે, જેના કારણે IT, બેંકિંગ અને મીડિયા જેવી પરંપરાગત વ્હાઇટ-કોલર નોકરીઓ ગિગ જાેબ્સ (Gig Jobs) દ્વારા બદલવામાં આવી રહી છે, જે ભારતને ગિગ અર્થતંત્ર તરફ ધકેલી રહ્યું છે.
ભારતીય જાેબ માર્કેટમાં ભારે ઉથલપાથલ જાેવા મળી રહી છે, જે આગામી સમયમાં મધ્યમ વર્ગ માટે મોટો પડકાર બની શકે છે. માર્સેલસ ઇન્વેસ્ટમેન્ટ મેનેજર્સના સ્થાપક સૌરભ મુખર્જી એ તાજેતરના એક પોડકાસ્ટમાં ભારતના વ્હાઇટ-કોલર જાેબ માર્કેટની આ ઉથલપાથલનું વાસ્તવિક ચિત્ર રજૂ કર્યું. તેમણે સ્પષ્ટપણે જણાવ્યું કે નોકરીઓ ગુમાવવાનું કારણ આર્થિક મંદી નથી, પરંતુ કોર્પોરેટ કામગીરીમાં થતા ફેરફારો, AI (આર્ટિફિશિયલ ઇન્ટેલિજન્સ) નો વધતો ઉપયોગ અને વૈશ્વિક વેપારની અસ્થિર સ્થિતિ છે. મુખર્જીના મતે, IT, બેંકિંગ અને મીડિયા જેવી પ્રમાણભૂત મધ્યમ વર્ગની નોકરીઓ ધીમે ધીમે અદૃશ્ય થઈ રહી છે અને તેમનું સ્થાન ગિગ જાેબ્સ લઈ રહી છે.
મુખર્જીનો અંદાજ છે કે ભારતને આ અસરનો સંપૂર્ણ અનુભવ કરવામાં હજુ બે થી ત્રણ વર્ષ લાગી શકે છે, પરંતુ આ સમય દરમિયાન પગારદાર નોકરીઓનો નોંધપાત્ર ભાગ અદૃશ્ય થઈ શકે છે. ભારત ટૂંક સમયમાં એક મુખ્ય ગિગ અર્થતંત્ર (Gig Economy) માં પરિવર્તિત થશે, જે માત્ર રાઇડશેરિંગ (કેબ સેવાઓ) અને ફૂડ ડિલિવરી પૂરતું મર્યાદિત નહીં રહે, પરંતુ ઉચ્ચ કૌશલ્ય ધરાવતી નોકરીઓ પણ તેમાં સામેલ થશે. કંપનીઓ ખર્ચ ઘટાડવા અને કાર્યક્ષમતા વધારવા માટે આક્રમક રીતે છૈં અપનાવી રહી છે. મુખર્જીએ કહ્યું, "આપણે જાેઈ શકીએ છીએ કે દરેક કંપની લોકોની જગ્યાએ AI  અપનાવી રહી છે, પછી ભલે તે બેંકો હોય, મીડિયા સંગઠનો હોય, કે IT સેવા પ્રદાતાઓ હોય." સૌરભ મુખર્જીએ આંતરિક પડકારો ઉપરાંત બાહ્ય જાેખમો તરફ પણ ધ્યાન દોર્યું, જેમાં યુનાઇટેડ સ્ટેટ્સ સાથેના વેપાર તણાવ ને મુખ્ય ગણાવ્યું. તેમણે સખત ચેતવણી આપી હતી કે જાે રાષ્ટ્રપતિ ડોનાલ્ડ ટ્રમ્પ દ્વારા ભારત પર લાદવામાં આવેલા ટેરિફ પાછા ખેંચવામાં નહીં આવે, તો તેની વિનાશક અસર પડશે. મુખર્જીના મતે, "જાે ટેરિફ ઘટાડવામાં નહીં આવે, તો ક્રિસમસ સુધીમાં ૨૦ મિલિયન (૨ કરોડ) ભારતીયો તેમની નોકરી ગુમાવી શકે છે." મુખર્જીએ એ પણ જણાવ્યું કે ઘરગથ્થુ દેવાનો વધતો બોજ આ તણાવને વધુ વધારી રહ્યો છે. તેમના મતે, ઘર લોન સિવાય ભારતીય ઘરગથ્થુ દેવું આવકના ૩૩-૩૪% છે, જે વિશ્વમાં સૌથી વધુ છે. આ અર્થતંત્ર પર મોટો બોજ છે અને તેને ચૂકવવામાં લાંબો સમય લાગશે. તેથી, આર્થિક પ્રોત્સાહનોની જાહેરાત કરવી સરળ છે, પરંતુ દેવાના બોજ હેઠળ તેને લાગુ કરવું મુશ્કેલ છે.મુખર્જીએ વાર્ષિક રૂ.૨-૫ લાખ કમાતા લોકોની નોકરીઓ ગુમાવવાના અને દાયકાઓથી સ્થાપિત નિકાસ ફ્રેન્ચાઇઝીને થતા નુકસાનને "ખૂબ જ દુ:ખદ" ગણાવ્યું. તેમણે આશા અને પ્રાર્થના વ્યક્ત કરી કે ભારત સરકાર અને રાષ્ટ્રપતિ ટ્રમ્પ આ ગંભીર પરિસ્થિતિને ટાળવા માટે ટૂંક સમયમાં મુક્ત વેપાર કરાર પર પહોંચે, જેથી લાખો ભારતીયોની નોકરીઓ બચાવી શકાય.