ઈરાન સાથે ખનીજતેલનો વેપાર કરવાના આરોપ સબબ અમેરીકાએ બે ભારતીય કંપનીઓ અને પાંચ ભારતીય નાગરીકો પર પ્રતિબંધ લાદયા
saurashtrabhoomi 
વોશિંગ્ટન તા.૯:
અમેરિકાએ મુંબઈ સ્થિત બે કંપનીઓ અને તેમની સાથે સંકળાયેલા પાંચ ભારતીય નાગરિકો પર પ્રતિબંધો લાદ્યા છે. તેમના પર ઈરાન સાથે પેટ્રોલિયમ ઉત્પાદનોના વેપારમાં સંડોવણીનો આરોપ મૂકવામાં આવ્યો છે. આ ભારતીય કંપનીઓ અને નાગરિકો ઉપરાંત, ઈરાન સાથે પેટ્રોલિયમ ઉત્પાદનોના વેપાર કરવા બદલ ઘણી અન્ય કંપનીઓ, વ્યક્તિઓ અને જહાજાે પર પ્રતિબંધો લાદવામાં આવ્યા છે. આ પગલું ઓપરેશન ઈકોનોમિક આઉટકાસ્ટ હેઠળ ઈરાન પર વ્યાપક યુએસ કાર્યવાહીનો એક ભાગ છે.
આ પ્રતિબંધો મુંબઈ સ્થિત SSPL સોલ્યુશન્સ પ્રાઇવેટ લિમિટેડ અને સમુદ્ર મરીન સવિર્સીસ પ્રાઇવેટ લિમિટેડને ઈરાનથી તેલ આયાતને કથિત રીતે સરળ બનાવવા બદલ લક્ષ્ય બનાવે છે. આ બે કંપનીઓ સાથે સંકળાયેલા પાંચ વ્યક્તિઓને તેમની કંપનીઓ સાથે સંબંધિત વ્યવહારો કરવા પર પણ પ્રતિબંધ મૂકવામાં આવ્યો હતો.
