બિહારના મુખ્યમંત્રી પદે નિતીશ કુમારની તાજપોશી
નિતીશ કુમાર સહિત ર૭ પ્રધાનોની શપથવિધી : એનડીએ દ્વારા પ્રચંડ શક્તિ પ્રદર્શન : ગૃહમંત્રી અમીત શાહ ઉપરાંત ભાજપ શાસિત તમામ રાજયના મુખ્યમંત્રીઓ પણ ઉપસ્થિત
saurashtrabhoomi 
(એજન્સી) પટણા, તા.૨૦
બિહાર વિધાનસભા ચૂંટણીમાં પ્રચંડ બહુમતી સાથે વિજય મેળવ્યા બાદ આજથી ફરી રાજયમાં નિતીશ શાસનનો પ્રારંભ થયો છે. છેલ્લા બે દાયકાથી બિહારમા બીનહરીફ મુખ્યમંત્રી બની રહેલા નીતિશકુમારે પટણામાં ગાંધી મેદાનમાં યોજાયેલા એક ભવ્ય શપથવિધી સમારંભમાં
મુખ્યમંત્રી પદના શપથ લીધા છે અને આ સાથે તેઓ ૩-૩-૨૦૦૦ના પ્રથમ વખત રાજયમાં મુખ્યમંત્રી બન્યા બાદ હવે ૧૦મી વખત બિહારનું શાસન સંભાળ્યું છે.
વડાપ્રધાન નરેન્દ્ર મોદી સહિતના મહાનુભાવો તેમજ એનડીએ શાસનના રાજયના મુખ્યમંત્રીઓની હાજરીમાં શ્રી નીતિશકુમાર ઉપરાંત એનડીએના ભાજપના કવોટાના નાયબ મુખ્યમંત્રી સમ્રાટ ચૌધરી તથા વિજય સિન્હા સહીત કુલ ર૭ મંત્રીઓએ હોદા અને ગુપ્તતાના શપથ લીધા છે.
પટણામાં આ અંગે જબરો માહોલ છવાઈ ગયો હતો સમગ્ર પટણામાં એનડીએ સરકારને આવકારતા હોર્ડિંગ અને
પોસ્ટર પણ લાગ્યા છે.
રાજયના મુખ્યમંત્રી તરીકે નીતિશકુમારની ગઈકાલે એનડીએની બેઠકમાં વિધાનસભા પક્ષના નેતા તરીકે વરણી થઈ હતી અને આ અગાઉ જનતા દળ યુના નવા ચૂંટાયેલા ધારાસભ્યોની બેઠકમાં સમ્રાટ ચૌધરી તથા
વિજય સિન્હાને નેતા અને ઉપ નેતા તરીકે ચૂંટી કઢાયા હતા.
બિહારની નવી સરકારમાં સમ્રાટ ચૌધરી સાથે ભાજપ ક્વોટામાંથી વિજય કુમાર સિંહાને નાયબ મુખ્યમંત્રી બનાવવામાં આવ્યા છે. સિંહાએ ગાંધી મેદાનમાં આયોજિત શપથ ગ્રહણ સમારોહમાં પદ અને ગુપ્તતાના શપથ લીધા.
કેન્દ્રીય ગૃહમંત્રી અમિત શાહ અને સંરક્ષણમંત્રી રાજનાથ સિંહ સહિત ભાજપના અનેક વરિષ્ઠ નેતાઓ હાજર છે. ગુજરાતના મુખ્યમંત્રી ભૂપેન્દ્ર પટેલ પણ
હાજર છે. ગાંધી મેદાનની સુરક્ષા જીઁય્ના હાથમાં છે.
