ટ્રમ્પ ઘેરાયા : ૭૦ ટકા અમેરીકન નાગરીકો ભારે નારાજ : રિપબ્લીકન પાર્ટીમાં બળવાના સંકેતો
saurashtrabhoomi 
(એજન્સી) ન્યૂ યોર્ક,તા.૫:
અમેરિકન રાષ્ટ્રપતિ ડોનાલ્ડ ટ્રમ્પ સામે તેમની પોતાની રિપબ્લિકન પાર્ટીમાં બળવાના સંકેતો ઉભરી રહ્યા છે. ટ્રમ્પની લોકપ્રિયતા તળીયે જઈ રહી છે. પાર્ટીના નેતાઓને ડર છે કે ટ્રમ્પનો ટેકો મધ્યસત્ર ચૂંટણીમાં તેમને નુકસાન પહોંચાડી શકે છે.
નવેમ્બરની ચૂંટણી પહેલા, ઘણા રિપબ્લિકન ઉમેદવારો ટ્રમ્પથી દૂર થઈ રહ્યા છે. કેટલાકે તેમની ચૂંટણી વેબસાઇટ પરથી ટ્રમ્પ અને તેમના અમેરિકા ફસ્ર્ટ એજન્ડાનો ઉલ્લેખ દૂર કર્યો છે. કેટલાક નેતાઓ તેમની સાથે સ્ટેજ શેર કરવાનું પણ ટાળી રહ્યા છે.
એપી-એનઓઆરસી સર્વે મુજબ, ફક્ત ૩૦ ટકા અમેરિકનો ટ્રમ્પના પ્રદર્શનથી સંતુષ્ટ છે. અર્થતંત્ર પર તેમનું મંજૂરી રેટિગ માત્ર ૨૬ ટકા છે. ફુગાવાને સંભાળવા માટે માત્ર ૧૭ ટકા છે. ૬૫ ટકા થી વધુ અમેરિકનો ટ્રમ્પની નીતિઓને વધતા ભાવ માટે દોષી ઠેરવે છે.
આયોવાથી કોંગ્રેસવુમન અને ટ્રમ્પની પાર્ટીનો સેનેટ ઉમેદવાર એશ્લે હિન્સન અને મિશિગનથી સેનેટ ઉમેદવાર માઇક રોજર્સે ઈરાન યુદ્ધનો ઝડપી અંત લાવવાની હાકલ કરી છે. બંનેએ અગાઉ ટ્રમ્પની લશ્કરી કાર્યવાહીને ટેકો આપ્યો હતો.
