જળ-વાયુ પરિવર્તન : ર૦પ૦ સુધીમાં ભારતને આબોહવા સંરક્ષણ અંગે વાર્ષિક ર૦૦ અબજ ડોલરનો ખર્ચ કરવો પડશે
saurashtrabhoomi 
(એજન્સી) નવી દિલ્હી તા.૧પ
આબોહવા પરિવર્તનનો ખતરો પહેલા કરતાં વધુ વધ્યો છે. આને ધ્યાનમાં રાખીને, ભારતે પોતાને બચાવવા માટે મોટા પાયે તૈયારી કરવી પડશે. એક નવા અહેવાલ મુજબ, જો વૈશ્વિક તાપમાનમાં ૨ઓઘ્ નો વધારો થાય છે, તો ભારત અને ગ્રેટર ચીનને ૨૦૫૦ સુધીમાં આબોહવા સંરક્ષણ પર ર્વાષિક ૨૦૦ બિલિયન ડોલર (આશરે રૂ.૧૮.૬ લાખ કરોડ) થી વધુ ખર્ચ કરવા પડશે. હાલમાં, ભારત ફક્ત ૧૫ બિલિયન ડોલર (આશરે રૂ.૧.૩ લાખ કરોડ) ખર્ચ કરે છે, જે જરૂરિયાતના માત્ર ૧૩% છે. આનો અર્થ એ થયો કે દેશની મોટાભાગની વસ્તી હજુ પણ ગરમી, પૂર અને દુષ્કાળ જેવી આફતોથી સુરક્ષિત નથી. આ માટે દરિયાકાંઠાના રક્ષણ અને સુધારેલા ઠંડક જેવા તાત્કાલિક ફેરફારોની જરૂર છે.
મેકકિન્સે ગ્લોબલ ઇન્સ્ટિટ્યૂટનો અહેવાલ, એડવાન્સિંગ એડેપ્ટેશન મેપિંગ કોસ્ટ્સ ફ્રોમ કૂલિંગ ટુ કોસ્ટલ ડિફેન્સ, ગરમી, પૂર, દુષ્કાળ અને જંગલી આગ જેવા આબોહવા સંબંધિત જોખમોને પહોંચી વળવા માટે જરૂરી ખર્ચનું વિગતવાર મૂલ્યાંકન પૂરું પાડે છે. અહેવાલમાં જણાવાયું છે કે વિશ્વભરમાં ૪.૧ અબજ લોકો આબોહવા જોખમોનો સામનો કરે છે. જો કે, વિકસિત દેશો દ્વારા ફક્ત ૧.૨ અબજ લોકો જ સુરક્ષિત છે. ભારત સૌથી વધુ નાણાકીય બોજ સહન કરતા દેશોમાંનો એક છે.
